KOKOJOKOA kokoen bila burutuko dugun 4 jokotxo + 4 jokoz osaturiko ibilbide irudimentsua da.

Haur txikiei zein marrazki bitxiekiko interesa duen edonori zuzendurikoa da. Jokatzeko irudimena izatea da baldintza bakarra. Oso intuitiboa da. Io izeneko pertsonaia izango dugu bidelagun eta marrazketa koadernoan gorde diren 7 kokoak aurkitzen lagunduko diogu. Horretarako, kopetako argia piztu, brotxa surfeatu, kitarra-artazia jo eta emozioak erabakita, KUKUKA (bikote jokoa), OKER-KER (segida jokoa), KLIX-KLAX (puzzle jokoa) eta BOR-BOR (emozioen jokoa) osatuko ditugu eta opari bat jasoko dugu: Kokoen eskulan baterako bideo-ideia!

Gure asmoa kokoen laguntzaz eta joko labur honen bidez burua ideiaz bete ostean, pantaila itzali eta haurrari eskuz marrazkiak zein eskulanak burutzeko gogoa piztea da.

Kredituak

"Kokoak" eta "Harrobia ekinez egina"-k elkarlanean sorturiko jokoa.

Joko honek Eusko Jaurlaritzaren laguntza jaso du.